Já tem dias ke mundo inter komentá debate entre kandidatos pa presidênsia de Estados Unidos. Manera ke nô chegá li? Será ke demokrasia é primera forma de organizasão polítika de sosiedade / komunidade?
Kamim de organizasão polítika de sosiedade é long, têm milhares de ones e demokrasia (mesmo ke afastôde de konseit e forma de sistemas demokrátikos atuais), ka foi primer konstrusão polítika.
Home na se kamim pa sobrevivênsia e domínio de natureza enkontrá na sélula familiar, na grup de famílias kel primer forma de organizasão, defensiv e kolaborativ, pa assegurá sobrevivênsia na “dia e na dias seguintes” assim susessivamente.
Nes kamim Home domestiká animais, inisiá pastorísia (ato de levá animais pa pastá), inisiá agrikultura e kes asões, na tempos de Pré-história e História, atingi forma de organizasão sosial ke um expressão polítika, estrutura e tipe de poder, ke tava assentá, num komunidade, num território e num konseite de propriedade próprio de tribo, agrupamente de famílias e klãs, ke tava bem vrá origem de primeres estados.
Um estado só ta existi ke um populasão, ke ta partilhá valores e lasos, num território e ke um “model” de organizasão polítiko de poder. Na inísio de prosesse históriko de Humanidade, konsentrasão de poder era fundamental pa assegurá unidad, konsense e partilha de objetives imediatos na home (o ke gente pôdê txamá de “pov e nasão em konstrusão”).
Berse de sivilizasão foi na “Kressente Fértil”, região ke atualmente ta okupá Irão, Iraque, Síria, Turquia e Egipto. Nês zona de mundo parcê primeres estados, ou seja, um model de organizasão de poder polítiko ke home formá pa “fasilitá vida” de famílias, tribos, e de “proto-nasões”.
Siênsia polítika, ta txmá forma de governo (ou sistema polítiko) de konjunt de instituisões polítikas pa meio de quais um Estado ta organizá a fim de exersé sê poder sobre sosiedade. Kada sosiedade é úniko na txeu aspetos e ta funsioná segunde estruturas de poder e sosiais espesífikos.
Autokrasia foi um de kes primer forma de governo e ke signifiká literalmente governo pa el mesmo. Governo autokrátiko, ta karaterizá pe domínio absoluto de um governante pa administrasão, burokrasia, exérsito e ekonomia. Autokrasia ka ta reduzi a um model polítiko, moda monarquia, moda repúblika ke gente ta oiá na nôs dias.
Já a demokrasia tem origem na sidades-estados de Grécia antig, e tev na Atenas sê maior exemplo. Sê etimologia ta bem de termos “demo” (povo) e “cracia” (governo), o ke ta signifiká literalmente “governo de pov”.
Es ideia permanesé kome núkleo de ideal demokrátiko moderno e ta kontinuá ta moldá instituisões e prátikas demokrátikas atuais. Estado romano foi influensiod, moda tud sivilizasão romana, pa sivilizasão grega, na dimensão polítika onde ke demokrasia, oligarquia (governo de kes mdjor, um elite fundiária e finanseira) e autokrasia susedé na temp históriko de Roma.
Estado Moderno tem origem na Idade Média, mas é ke evento de afirmasão polítika e militar de kasas monárquikas (na Espanha, Portugal, França, Inglaterra, e ots reinos), ke fká klor sobre domínio polítiko num território e num populasão ke tem lasos komuns e ke tem um fundamentasão jurídika e moral ke ta permiti exersísio de soberania.
Ao longo de sékulos dinâmika sosial, ekonómika e polítika criá kondisões pa ots formas de distribuisão e organizasão de poder. Ao ponto de defesa e kombate pa demokrasia ser nele mesmo fim komum pa klasses sosiais em emergênsia, burguesia, klasse operária e kampesinato.
Sékulo XVIII e XIX evidensiá es prosesse turbulent. Foi por iss ke txeu historiador txmá sékulo XX de “sékulo de Pov”, tendo em konta número de estados kum sistema polítiko demokrátiko e tambê móde sê expansão de hemisfério norte pa sul.
No entant, nes dias ke nô ta vivê serka de duzentos estados existentes ta akolhé regimes demokrátikos, regimes autokrátikos e regimes de komposisão e existênsia “hibrida” o ke ta evidensiá ke ka ta existi um determinismo históriko pa organizasão polítika de sosiedades.
