Ca ê segrede ke Tecnologia revolucioná dia-à-dia de empresas e de tud cidadão. Apôje, internet transformá nôs sociedade e mudança tem sid constante. Nô ta vivê num momente histórico na mundo onde a mudança ta presente junte ke grandes tranformação tecnológica. Máquina e progresso técnico trazê nova forma de produção industrial e nova forma de fazê comércio e consequentemente um mudança de cultura e democratização de informação.
Cada época vivide pa humanidade ê morcôde ke características próprias e, em cada época, sempre tive aspetos positivos e negativos. Hoje, efeitos de tecnologia têm um forte influência na vida cotidiana de tud Cidadão.
Tem tcheu exemplo positivo de tecnologia na nôs dia-à-dia moda por exemple processo transferência de conhecimento, aumento de eficáca e eficiência na traboi e um data vantagem na traboi remoto (Coworking e teletrabalho). Apôje, tud ej aspecto positivo, bem implementôd devê ser propagôde na nôs comunidade pa essim nô tem um sociedade plena pa kel real desenvolvimente de nôs País!
No entante, nô devê discuti com máje seriedade sobre impactos negativos de tecnologia, moda por exemplo dependência excessiva na telemóvel, perda de privacidade, exposição na redes sociais o que ta trazê tcheu risco na privacidade e tcheu insegurança pa cidadão. Apôje tecnologia usôd pa mal moda hackiá facebook, acesse a vida alheira ê um daquis tática de kel ‘mentoria crimonosa e organizada’ com intenção de causá dano, ameaça e/ou violência pa êssim extorqui dinher.
Fenômeno ‘globalização’ junt ke ‘Tecnologia de Informação’ e junte ke ‘desenvolvimente de telecomunicações’ trazê um nov concepção de Sociedade. Hoje nô tem um complexidade ke ta misturá realidade e virtualidade e isso ta defini sociedade contemporânea.
Na vertente Educação, nova geração tem impulsionôd transformações pa um mudança de paradigma. Na Saúde, novas tecnologias têm tido um papel fulcral na cura de doenças e na desenvolvimente de próteses pa pessoas com deficiência físicas. Na traboi, Tecnologia ê responsável pa aumentá eficiência na desempenhe de tarefas isso porque tem um acesso instantâneo a tud informação.
Cidadãos tita estruturá em torno de novas tecnologias e impactos já tita ser observôde. Tecnologia já tita criá nov paradigma pa cidadãos sobretude na participação cívica, cultural e política como alavanca pa nov formas sociais de cooperação e colaboração.
Hoje nô pôde dze ke tudo ta à distância dum ‘click’ e portante, nô ta prevê ke mudança tita bem ser mut máje rápid na kel ideia ke conhecimento adquiride ta passá ta ser partilhôde na prática e para todos.
Tecnologia ta sempre presente na nôs vida, desde kel telemóvel nô ta usá até grande sistemas ke ta controlá nôs tud. Importante é nô estôd espirit aberte dum forma positive e adaptá a mudança de mundo digital e tecnológico.
Em conclusão, tecnologia tem um grande impacto na sociedade atual, contudo, é mut importante nô encontrá um equilíbrio na forma como nô ta utilizá tecnologia e nô estôd mut atente a potencial risco pa essim nô sabê caminhá ke firmêza pa desenvolvimente de nôs comunidade.
