Tem gente ta konfundi ej 2 konseitos, apesar dess ser bem distinte. Um é vissiôde na traboi (workaholic) e kel ot é apaixonóde pa traboi (worklover).
Éj termos workaholic e worklover ta xpressá 2 manera diferente de postura na traboi. Enquante workaholic é vissiôde na traboi, portante, Workaholic é “trabalhador kompulsive” (nenhum kompulsão é saudável) já worklover el ta gostá e ta sinti goste prôp de sé traboi e portante el ca ê um víssio.
Workaholic (de inglês, “akele ke ta trabaiá txeu e ka ta konsegui desligá de sé traboi”) é um variasão de palavra alcoholic (alkoólatra) ke ta sirvi pa klassifiká kéje gente viciódes na traboi, trabaiador kompulsive ou dependente de traboi. Ondé ke frakasse é um de sés maiores reseios e por isso el ta estôd ta prokurá afirmasão e dá sé mdjor pa podé ter resultados. Iss ta leval a ka konsegui desprende de traboi, mesmo kond el ta fora del. Isso ta pol ta deskuidá de sê vida pessoal, familiar e sossial, e restringi sés relasões sempre ta girá sob tema laboral (Mudrack &Naughton, 2001).
Worklover (de inglês “aquele ke ta amá sé traboi”) é um pessoa apaixonada pa sê traboi ke ta amá o ke ele ta fazé, também ta trabalhá txeu, máje dum manera máje saudável e menos ansiose. El ta entrengá de korpo e alma a sê traboi na dose serta pa alkansá resultados xperod e dsejod. El ta possui equilíbrio na tud áreas de se vida, ele é kapaz de estabelesé equilíbrio entre traboi e lazer, el ka ta deskonsiderá de se vida aspetos sosiais, mentais e familiares. Ele tem konssiênsia klara de ke, pa rekuperá energias e ser máje produtivo na traboi el ta precisá de deskanso e de fazé atividades fora de kontexto laboral (Ramos, 2004, p. 413).
Workaholic podé ser klassifikod komo indivíduo ke um ambisão na nivel obsessive. Tipo assim, el ta txá de ser um fator de desenvolvimento pa passá ta ser um sentimente kompulsivo num atitude egocêntrica a qualquer kusto sem preokupá ke desenvolvimente de sé equipa de traboi. El ta buská somente prestígio pa sé próprio afirmasão profissional. Este podé ser klassifikôde como m gestor tóxico.
Em resume, enquante workaholic ta otxá ke kond el ta trabaiá txeu horas el ta konsegui prová sê valor, worklover tem konssiênsia klara ke kond el ta trabalhá txeu horas ca ê forsosamente sinal de kompetênsia.
Kel disputa de konkorrênsia na merkado de traboi e kel medo de desemprego ta fazé de workaholic um figura kada vez máje presente, fenómeno ke pandemia Covid-19 kabá pa intensifikále.
Kond xcesso de traboi ta passá ta ser um konstante, ta vrá eminente risk de adquiri um série de doenças de natureza emosional, mental e físiko. Relative a lista de doensas resultante de desgaste emosional e físiko ke pessoa ta sofré nô pôde sitá depressão, gastrite, enxaqueka, distúrbio sono, kansaso agudo, irritabilidade, difikuldade konsentrasão, alterasão humor e de memória, onde podé ocorré um kompleta deskaraterizasão de indivíduo (Aziz & Tronzo, 2011).
Ê fundamental pa indivíduo fazé um korreta gestão de sê energia, moda sê tempo, nesessitôde, pa isso, um grande konhesimento profundo del mesmo, na vertente pessoal e na vertente profissonal.
Traboi ta enobresê home, visto kel ta despertá sé sentimento de utilidade e ta permiti ter konssiênsia de sê kapasidade de kontribí pa kressimento dum organizasão e de País, no entanto, nô ta tud de akordo ke trabaiá pa satisfasão e auto-realizasão ê importante, no entante vida ka ta resumi a trabaiá. Seguindo palavras de Leonardo da Vinci: “Vida podé vrá máje long kond bem preenxida”.
