Será ke guerra entre Estados Unidos da América e China inevitável?
Na komplex históriko, em ke es dois países ta konvivé e ta kompeti, é kada vez más equilibrod relasão sino-amerikana. China percorré um estrada de enorme susesse ekonómiko, tékniko, sosial e polítiko desde final de Séc. XX, ke sê filosofia “Um País, dois regimes”, proklamod pa Deng Xiao Ping.
Guerras nê travod apenas na tradisionais kampos de batalha, destrosos e gritos. Guerras ta kmesá na palásios, minas, rotas, isto é, na terrenos de ekonomia e de polítika.
Es dois superpotênsias ta travá um batalha pa lideransa isolod na nôs planeta. Estados Unidos tava akreditá, moda grande parte de países ke dpós de queda de Muro de Berlim e de kolapso de sosiedades dzid sosialistas na Leste de Europa, tava kmesá um mund unipolar, dirigid pa um únika entidade. Pok más de vinte one, tud nôs já sabé ke né bem assim…
Pontos de diskórdia, até mesmo de konflit, é txeu e ta kontsê na várias latitudes, na continentes tend komo pano de fund ases e kontrol de matérias-primas, de merkados e des manera, influênsia e kontrol polítiko de regiões, de estados e de opiniões publikas.
Falá somente de konflito a tensão USA-CHINA em torne de Taiwan é redutor e desviantequant a dimensão global de konflito. Um konflito, ke nó ta destaká de natureza geopolítika de txeu relevânsia ekonómika.China ta considerá Taiwan komo más um de sés provínsias e ke el ta planejá reunifiká, não exkluind qualquer meio. China, num context polítiko diferente integrá regiões de Hong Kong e Macau onde ke el ganhá um “base estratégika” pa prosesso de reunifikasão total de território chinês. Perante Nações Unidas e otes órgãos internacionais, ilha de Taiwan, antes dzid Formosa, é parte integrante de China.
Taiwan é um ilha ke serka de 24 milhões de psoas, e ta fka a menos de 200 quilômetros de China e el tá inkluíd na um lista de territórios aliados de EUA ke é krusial pa polítika externa amerikana. Kuand Japão rendé a EUA na final de Sgunda Guerra Mundial em 1945, kmesá Guerra Sivil Chinesa e partid komunista ganhá controle de kontinente. Governe, apoiod pa EUA, rekuá pa Taiwan na 1949 e anunsiá lei marsial (estado de suspensão de um ordem sivil pa lei militar).
Nes últimas dékadas, ekonomia de Taiwan destaká sobretude pa atuasão na fabrikasão de produtos de alta teknologia, moda ships. Taiwan tem um de ké dez maiores ekonomias de Ásia e és tá entre kés 25 maiores de munde.
EUA ka ta rekonhesé diplomatikamente Taiwan kome um País, e autonomia de ilha é um de kés assuntos prioritários na Washington. EUA ta defendé “status quo”, isto é, Taiwan deve continuá moda um governe autónomo.
Taiwan é geografikamente importante pa governo chinês. Taiwan é maior ilha pert de China e é porta de entrada pa China asedé a Oceano Pacífico. kel porto profundo na leste de Taiwan também ta permiti governe chinês pa estabelesé um base de submarinos e quebrá kadeia de ilhas de EUA. Kome maioria de importasões e exportasões de e pa Japão e Coreia do Sul ta mesté usá Estreito de Taiwan, kond China, ganhá controle, el tava interrompé kadeia de fornesimentos de EUA.
Voltond pa prinsípio, posse efetiva de Taiwan né o problema, el ta fazé parte do problema. USA é um nasão ke alargá sé kontrolo militar a terras, mares mut longe de sé espaso territorial, moda fazé historikamente potensias dominantes na kada Ordem Mundial. Problema, em termos analítikos, é ke última Ordem Mundial ke resultá de desmoronament de URSS já ka ta existi, e el tá sim em transformasão!
China, ke na 2040 ta bem ter um ekonomia, pelo menos, dós vez superior a ekonomia norte-americana, tem kontá ke rekursos e aliados o ke ta impliká num redesenh de konfront USA-CHINA pa lideransa. Mas kum líder nó tem ter um lideransa dupla e estados de enorme relevânsia nes “jog”. O ke tem ganhá? Medo ke ta promové konsenso mínimo ou medo ke ta asselerá kombate?
Ou seja, quarteis generais de kada estado tem ter em konta máxima de Sun Tzu? “Ke mdjor vitória é kel ke ta resultá de batalha ke gente ka travá”.
