Eleisões presidensiais na Estados Unidos ta desidi kem tá okupá kargos de presidente e vise-presidente na Estados Unidos. É um sistema de eleisão indireta pamod presidensiais é desidid pa vote de 538 delegados (‘delegates`) de país inter ke ta formá kolégio eleitoral. Vensedor é kandidato ke recebé no mínimo, 270 vote de kolégio eleitoral.
Populasão ta desidi kem ta escolhé sê líder governamental através de kes ‘delegates’. Kont mas populoso for Estado, maior é número de ‘delegates’. Moda é kaso de Califórnia (55 ‘delegates’), Texas (38), Flórida (29), Pensilvânia (20) e Illinois (20), ke juntes ta korrespondé a 30% de vote pa Presidênsia de Repúblika. Eleisões presidensiais ta akontsé a kada 4 one, na primera tersa-fera dpós de 1º de novembre.
Partid Demokrata e Partid Republikano é kes dois maiores partidos polítikos de Estados Unidos da América, es ta apresentá propostas ligeiramente distintas sobre governe, ekonomia e direitos sivis, sende ke sês membros é kunxid komo liberais e konservadores. Um de kes diferensas fundamentais entre ideais des partidos Demokrata e Republikano é kont a papel de governe. Demokratas ta dfendé um papel mais ativ des governe na sosiedade. E Partide Republikano ta tendé a dfendé um governe más piknin e ke menos intervensão públika, más fokod na questões de soberania klássika. Es abordagem ta entendé ke leis de mercad e livre konkorrênsia é kapaz de trazé um regulasão sosial independente de Estado.
Biden e Trump é kês kandidatos ofisiais de sês partide e es ta ser konfirmod na konvensões des dôs partide na Julho e Agosto. Ka tá eliminod existênsia de um terser kandidat (má ta ser difisil), independente des partide. Kês más kunxid foi Robert F. Kennedy Jr., membro de família polítika más famosa de Estados Unidos; Cornell West, Professor na Stanford e kunxid ativista progressista e Jill Stein. Dsafio pa es kandidatos ta ser konseguí apoio sufisiente pa figurá na boletim de vote na tud kês 50 estados.
Dpois de Election Day, eleitores ta reuni na sês respetivos Estados na primera sgunda-fera dpos de sgunda quarta-fera de dzembre. Na es dia es ta votá na sês eskolhas pa Presidente e Vise-Presidente. Vote é kontod na dia 6 de Janer de one sguinte kond kongresse ta reuni pa kontá vote dekorrent de kolégio eleitoral. Nes altura és ta anunsiá ofisialmente resultad des eleisões: kês nomes de Presidente e Vise-Presidente de EUA. Na dia 20 de janer, Presidente e Vise-Presidente ta tmá posse!
Kond gente ta falá de ekonomia de Estados Unidos gente ta falá de maior ekonomia de munde. Es país tem asesso a abundantes rekursos naturais, kum infraestrutura interna mut bem dsenvolvid, altos níveis de produtividade e um forsa de traboi ke bons índises de edukasão. Sês merkad de traboi ta atrai imigrantes de munde inter e tem um de kês taxas más olte de munde de migrasões. Norte-amerikanos têm maior rendimente por hora trabaiod e es tá na quint lugar na Relatório de Competitividade Global do Fórum Econômico Mundial.
Estados Unidos é únika nasão ta akumulá lideransa na poderio industrial, militar, finanseire, nuklear, estratégiko e kultural. Sês PIB ta korrespondé a serka de um quinte de riqueza mundial, um poder de konsume extremamente olte e kum poder de investimente mut superior a otes Países, Estados Unidos ta kontinuá na lideransa polítika mundial, má konfrontod ke dsafio de China e de Sul Global.
Es kontexte levá presidênsia de Biden a fazé asões a fim de konté a xpansão de China. Biden criá QUAD (Parceria Quadrilateral sobre Segurança entre Estados Unidos, Índia, Austrália e Japão) e, posteriormente, AUKUS: um aliansa de kooperasão teknológika e militar é ta envolvé Estados Unidos aliod a Reino Unido, Austrália, e otes estados.
Um ponte desisiv na reorganizasão de geopolítika de poder, ke ti ta okorré na sistema-mundo, é envolvimente umbilikal de EUA na guerra de Ucrânia. Ora, enfrentá Rússia dsenkadá estreitamente de um “aliansa sem limites” sino-russa, sgunde falesid, Henry Kissinger, pior de kês senários pa polítika externa amerikana. Já tinha dzid Henry: “Amizade entre es dôs Estados ka tem limites, ka tem áreas proibid de kooperasão”
Eleisões presidensiais norte-amerikanas de Novembre ta kontsé num kontexte dum enorme instabilidade polítika e de txeu konfrontasão geoekonómika ke destaque pa konflitos na Europa, Ásia e Africa. Seguramente ke próximo presidente e sê equipa ta enfrentá um konjunte komplex de dsafios.
