Web Summit

Web Summit é hoj um de kes maiores e más influentes konferênsias de teknologia de munde, reuninde milhares de inovadores, empreendedores, líderes empresariais e desisores polítikos num mesmo espase de diálogo e troka de ideias.

Fundod na 2009, na Dublin, pa Paddy Cosgrave, es evente nassé ke objetive de aproximá munde da teknologia a munde de negósios. Ao longe dess one, konferênsia evolui pa um plataforma global, movide pe missão de konectá psoas e ideias kapaz de transformá ftur através de inovasão, siênsia e sustentablidade.

Desde 2016, Web Summit é realizod anualmente na Lisboa, ta konsolidandá kome ponte dencontre inkontornável pa debate sobre impakto de teknologia na ekonomia e na sosiedade. Um de kes motive de xkolha de Lisboa é ambiente inovador e akolhedor de startups ke Portugal tem dsenvolvid nes últimos one, além dis Lisboa é um sidade ke klima amene, kultura rik, gastronomia rekonhesid um ambiente kosmopolita ke ta fasilitá networking e kolaborasão.

Evente Web Summit é, um vitrine mundial pa diskuti temas moda inteligênsia artifisial, transisão energétika, étika digital e inklusão teknológika. Sob lema “Where the tech world meets”, Web Summit prokurá ta kriá um xpas de konvergênsia entre inovasão e responsabilidade sosial.

Dent de sé vertente “Impact”, organizasão ta apoiá inisiativas alinhod ke Objetivos de Desenvolvimento Sustentável das Nações Unidas, o ke ta reforsá kompromis ke kausas globais moda igualdade de género, protesão ambiental e asesso à edukasão digital.

Relasão de Cabo Verde ke Web Summit tem sid um exemple notável de kome países emergentes podé posisioná na mapa de inovasão global. Arkipélago partisipá pe primera vez na evento na 2022, através de programa “GoGlobal Web Summit”.

Más do ke um simples partisipasão, tem um diálogo krescente entre Cabo Verde e organizasão de Web Summit. Desd então, Cabo Verde tem markod presensa konstante na edisões seguintes, onde ke el ta levá kel um nov gerasão de talentos e projetos ligados a digital. Partisipasão kabo-verdiana na Web Summit né apenas simbólika, ta representá, um kompromis ke ftur digital de País.

Pa um arkipélago ke ta pretendé apostá na inovasão kome pilar de dsenvolvimente, xtod presente num evente des dimensão é um forma de aprendé, inspirá e konstrui parserias xtratégikas.

Más do ke representá um pekeno Estado insular, Cabo Verde ta levá a palko global mensagem de ke inovasão ka ta konxé fronteras, e ke, mesmo ke rekursos limitod, é possível snhá e konstrui um kamim rume a dsenvolvimente teknológiko e sustentável.

Em resume, Web Summit ta representá mut más dôki um evento teknológiko: é um xpas ondé kê discutid ideias kriativas ke podé transformá ekonomias e sosiedades.