Artigo de Opinião: Aplikassão d Konhessimento na Negosse

Sabé ondê apliká konhessiment tá exigi integrá 2 konseitos: Efikassia e Efissiênsia. Ser efikaz é eskolhê mdjor kamin, ser efissiênte é sabé andá na kamin eskolhid.

Ê importante sabê k em kada modelo, projeto ta mudá, fornessedores ta mudá, trabalhadores e local traboi ê diferente, portanto, pa ser efissiênte ê pressize txeu konhessimento d realidade (na prátika).

Essim, nôs esforso devê foká na dessisões efikazes pa trazê bom resultade. Ou seja, analisá negosse, estudá mut bem equipa e eskolhê kual perfil d equipa é presize pá moment sert d kada fase d estratégia implementôde.

Normalmente ná Kabo Verde, estrutura tradissional d empresas é apresentód na modelo d pirâmide hierárquika. Na topo tá komando sentral (o poder) e planeamento e normas é ditode d sima pa boxe. Ess modelo ta induzi trabalhadores a ‘servi’ dono o k ta trazê individualismo ao invêz d apoio coletivo e espirito d equipa. Peso de nôs kultura d “serví” (por kausa d impakto d kolonialismo) ao invez d desenvolviment pessoal e koletivo.

Modelo más apropriód seria modelo d pirâmide invertide. Na base nó tem “selulas de traboi” k autonomia e kompetênsia, k responsabilidade d atendê d medjor forma possível klientes, modelo ess pretentid e “ideal” má sô ta funsioná kum kultura organisod e alinhód a um “perspectiva d pensá” otimista e kolaborativa pa futur, pa desenvolviment pessoal e pa kooperassão ao invéz d inveja pa ote e d pessimismo k infelizmente ainda ta existí na txeu instituissões d nôs País.

Txeu empresas ainda ta usá komo referênsia um modelo militar d guerra. Konkorrente é um inimig k no tem k destuí. Nô ta usá tatika militar pá ganhá batalha d konquista d merkado. És valor d destruissão ta evidente a tal ponto k tud gent é konsiderod inimig: o konkorrente, o fornessedor na disputa d presso, kolega d traboi na guerra pa destaque e rekonhessimento, na Xefias p sês promossão na karreira e equipa ka ta crê seguí regras e, até mesmo, inveja e pessimismo na traboi é te trapaiá kel bom job na atendê dret kliente. Um Modelo ultrapassôd, portante, um modelo não rekomendável pa futuro d organizassões na Kabo Verde.

Hoje nó te abri jornais internassionais, ness mundo complikôd nô tá, nô ta oiá empresas k antes era konkorrentes ta uni esforsos pá desenvolviment mútuo d um merkado komum. Kada vez mais tem união entre empresas kooperativas, modelo pôk aplikável na Kabo Verde por kausa d nós kultura individualista.

Real sussesso d empresas tá na aplikassão d konhessimento na sê negóssio, d teoria na prátika e k perspetiva d enkontrá oportunidades é k podê ser partilhôd e kontribuí pa desenvolviment d nôs komunidade.