Artigo de Opinião: Konhesimente

Na sékulo XXI, surgi um ot forsa dominante na ekonomia global, Konhesimente.

Konhesimente é kapasidade humana de entendé, apreendé e kompreendé vida e ses diversas manifestasões e també de ka compreendé, o ke ta geré um inquietasão sistemátika, o ke ta  persegui nesessidade de Konhesimente. Des de kes pinturas rupestres de kes Grutas de Altamira até  arte kontemporânea, konhesimente, akompanhod de um inquietasão,  angustia, revelasão, kriá e desenvolvé sistemas pa representá e komuniká.

Buská e atualizá konhesimente é importante pa agi efisientemente focod na objetivos. Na base de konhesimente ta experiensia individual, e filosofo grego Sócrates já tava dzé e dret “konhesé bô mesmo”, ké ponte de partida na prosesso de gerasão de konheser. 

konhecimente ta estruturôd de um manera komplexa e uns autores, moda Piaget ta argumentá ke  desenvolvimente ta bem antes de aprendizagem, ma já Vygotsky ta otxá ké de ot manera, ke primer ta bem aprendizagem e dpos  desenvolvimente. Pa Piaget  desenvolvimente inteletual ta bem de atos biológikos ké adaptod a meio físiko e organizod na meio ambiente, o ke ta manté um equilíbrio. Piaget ta dzé ke desenvolvimente inteletual ta agi de mesma manera ke desenvolvimente biológiko. (WADSWORTH, 1996).

Na visão de Paulo Freire (1967), edukasão é únika manera de povo obté um konssiênsia krítika e partisipá de sosiedade, e ainda el ta dzé ke edukando através de sés experiênsias e vivênsias pode construi um konhesimente nove. Pa Freire ka ta existi ensiné sem aprendé. (FREIRE, 1995, p. 19).

Na andar de história de humanidade, nô podé distingi quatro tipe de konhesimente:  Empíriko, Sientífiko, Filosófiko e Teológiko:

• konhesimente empíriko ta dzé respeite de konhesimente popular. É o ke nô ta aprendé a partir de nós interasão e observasão de munde;
• konhesimente sientífiko ta kompreendé informasões e fatos ke é komprovade pa meio de Siênsia;
• konhesimente filosófiko ta nassé a partir de pensamente krítiko e de reflexões ke ser humane é kapaz de fazé;
• konhesimente teológiko ou religiose, é baseod na fé religiosa, onde kes ta akreditá ke el é done de verdade absolute.

Nô ta na o ke gente ta txmá de era de “Ekonomia de konhesimente” ke ta representé um mudansa paradigmátika na manera ke riqueza é kriod, ondé ke konhesimente é um ativ valiose de fort impato na sosiedade e ekonomia.

konseite de Ekonomia de Konhesimente foi inisialmente utilizod pa Peter Drucker pamod fator disruptive de konhesimente sientífiko e organizasional na prosessos e modos de produsão.  Na Ekonomia de Konhesimente ta existi um sistema de eixos ke ta kmesá na ténika de trabalho inteletual ta kmesá na obté dados, na gerasão de informasão e finalmente na produsão de konhesimente kritiko pa boas tmadas de desisão na nível de gestão.

Diferentemente de ekonomias baseod na rekursos naturais ou na traboi físiko, Ekonomia de Konhesimente ta valorizá kapasidade de psoas de adkiri, kriá e kompartilá konhesimente kome fonte de inovasão, produtividade e kressimente. Um de ké karaterístikas é ta distingui Ekonomia de Konhesimente é sé rápida evolusão teknológika, ke tem possibilitod asesso quase ilimitod a informasão e a possibilidade de disseminá konhesimente de forma global.

Internet e teknologias digitais é kés prinsipais impulsionadores de es nova ekonomia, o ke tem permitid konexão entre psoas, empresas e instituisões num eskala sem presedentes. konhesimente é um rekurso ekonómiko estratégiko, um fator qualifikador pa kompetitividade. konetividade global ta aselerá relasionamente e interasão entre indivíduos, grupos o ke tem possibilitod um nove kadeia de valor.

Pa Adam Smith, autor, entre ots de “A Riqueza das Nações”, konhesimente foi sempre importante ma hoje é sentral e nuklear pa desenvolvimente dentro dum quadro global de grande kompetitividade e sirkulasão de informasão.